923/2026-2027

Lawngtlai, the 10th June, 2026 : Vawiin chawhma dar 11:00AM khan Deputy Commissioner, Lawngtlai Office Chamber- ah Bawrhsap Pu Donny Lalruatsanga'n Central YLA Office Bearers- te kawm.

Pu Donny Lalruatsanga chuan Central YLA Office Bearers- te hnena lawmthu a sawina a nei a. Ruihhlo do kalpui mekah committee- peng hrang hrangte awm mahse, CYLA- te nen kan hmalaknate kan in hriat pawh a tul hle a ni, a ti. Bawrhsap chuan ruihhlo mai bakah foreigners leh sumdawnna chungchangah pawh hmalakna tur tam tak a awm a, State Sawrkarah Preliminary SOP- te thehluh niin tun thla chhung hian approval hmuh beisei a nih thu a tarlang. CYLA, LWA, MHIP- te chu District Administration - hmalaknaah an pawimawh em em a, sawrkar kut ke tak tak an ni tih sawiin, thawhho zel a tul hle a ti a. Bawrhsap chuan Lawngtlai District chu ruihhlo laka a lo him a, lawng hrang hranga hma a sawn zel theih nana thawhpuiah a sawm nghal bawk.

Thutkhawmah hian hmalakhona hrang hrangte ennawn a ni a. A bik takin Operation Jericho kalpui mekah DRS, CYLA nena thawhhona chu a fakawm hle tih pawm tlangin,tun dinhmunah Lawngtlaiah Chakma zu khawthlang lam atanga a lo lut tam ber in, Ruihhlo bik chu Lunglei leh Siaha lam atang lo lut a tam ber tih report ngaihthlak a ni a. Heng zu leh Ruihhlo do rem tur hian a lo luhna hriat a nih angin chak zawka hmalak ho ni se an ti a ni. CYLA - lam pawhin Ruihhlo do na atan a mamawh an neihte thlen in, Bawrhsap chuan a theih ang anga ngaihtuah a nih tur thu a tarlang a ni.

Thutkhawmah hian Central YLA Office Bearers - te an tel kim tha hle a, Bawrhsap chuan lawmthu sawiin thutkhawm a khar.