924/2026-2027 

Dated : Mamit the 10th of June, 2026 : Vawiin khan DC Conference Hall, Mamit-ah Mamit khawpui chhunga office hrang hrang atanga Nodal Officers a ruatte tan Special Intensive Revision chungchang zirhona neih a ni a, training hi Pu Suvigya S. Chandra, District Election Officer/District Bawrhsap chuan a hawng.

Pu Suvigya S Chandra chuan India khua leh tui vote nei thei chinte tana roll thar siam tura  hmalak mekah mipuite chu BLO te tawiawma,lo dawngsawng tha turin a chah a, vote thlak thei tura inziahluh chu khua leh tui kan nihna nemngehna leh document pawimawh tak a nih avangin ngaipawimawh turin a chah bawk.

Pu Lalnunfela Chawngthu, Election Officer chuan Special Intensive Revision kalpui meka form fill-up dan zirtirna a nei a, Voter Awareness Forum chu tuna kan kalpui mek SIR atan chuah pawh nilo, Office tina thawktute'n Election kaihhnawih hrim hrim kan hriat theih nana ruahman a nih thu a sawi a, kan thawhna theuhah kan thawhpuite hrilhhretu ni tura inbuatsaih turin a chah bawk.

Pu Ramropuia, UDC, DC Office chuan Online hmanga SIR form fill-up dan kalkhawmte zirtirna a lem nen a nei bawk a ni.

He hunah hian Mamit khawpui chhung Department hrang hranga officers te leh thawktute an tel a ni.