2483/2025-2026

Lawngtlai,the 17th September , 2025 : Vawiin chawhnu khan Pu Donny Lalruatsanga, Lawngtlai Bawrhsap chuan a Office Chamber - ah Lai Students' Association (LSA) Lawngtlai hruaitute a kawm.

Pu Donny Lalruatsanga chuan LSA- te nen inkawmna hun tha tak an nei thei chu lawmawm a tih thu sawiin, zirna kaihhnawihah Lai Students' Association leh Sawrkarin thawhhona tha tak an neih chu chhawmnun zel a pawimawh hle a ti. Zirna kawnga sawrkar finchhuah an ngaihnaah LSA- te chu neitu chan chang tlat turin a ngen a ni. Lawngtlai District chhuahsana hmun danga zirna tha zawk pan a zir tur pawhin mi tam zawk tan chuan a harsa tiin, 'Elementary' zirna tih changtlunga, zirn lama hmasawnna awm turin eng hi nge kan chak lohna lai, eng hi nge siam that ngai tih leh eng atang hian nge bul kan tan ang tih ngun taka ngaihtuahho a ngai tak zet a ni, a ti. Thalai leh zirlaite zingah ngaihsan leh ngaihhlut zawngte pawh thlan thiama, ngaihhlut tur dik tak hriat tul a tih thu a sawi.

LSA hruaitute chuan zirna lama Lawngtlai District hmasawnna tura an hmalak tawh dan leh hmachhawp an neih mek te, Zirna siamtha tura tih hmasak ngai nia an hriatte bakah sawrkar tha taka tawiawm zel an tum thu te Bawrhsap hi an hrilh a. Pu Donny Lalruatsanga chuan zirna kawnga hmasawn tura bawhzui nghal theihte chu inrawntlanga, ngaihtuahna fim tak nen a hmalak a ngaih tur thu LSA hruaitute hi a hrilh a ni.

Vawiin inkawmnaah hian LSA hruaitute atangin Vice Preident, leh General Secretary - te an tel thei a ni.