880/2026-2027
Lawngtlai 8th June 2026: Jeevan Raksha Padak Series of Award 2026 chungchangah a hnuaia mi ang hian Bawrhsap Office chuan mipuite hriattirna a tichhuak.
India sawrkarin Mi dang nun humhimna atana mahni nunna chân hlauhawm tak karah pawha huaisenna lantirtute hnenah chawimawina sang a hlan thin Jeevan Raksha Padak Award chi thum; Sarvottam Jeevan Raksha Padak, Uttam Jeevan Raksha Padak leh Jeevan Raksha Padak chu kum 2026 atan hlan a ni leh dawn a.
He Award - hi India Sawrkarin midang nun humhimna atana huaisen taka thiltite lawmman a pekna a ni a. Tui tla, kang mei, accident, Electric - man, ramsa hlauhawm leh khuarel chhiatna lak atanga midangte chhhanchhuak tura huaisen taka thawk chhuakte hnenah pek thin a ni.
October ni 1, 2026 ral hma a midangte nun humhimna atana huaisen taka an hnathawhte chiang taka ziakin he Award - hi dil theih a ni a. Dilna hi SDO (S) Office, Lawngtlaiah emaw Ministry of Home Affairs website; Rashtriya Puraskar portal awards.gov.in ah in register-in thehluh tur a ni.
He award atana nomination hi July ni 31, 2026 ral hma ngeiin SDO (S) Office - ah emaw Portal kaltlanga thehluh theih a ni bawk e.
