Lawngtlai Bawrhsap Dr A. Muthamma IAS chuan May ni 29 leh ni 30 khan Chawngte RD Block chhunga khaw thenkhat tlawhin, an dinhmun a en fiah. 

Lawngtlai DC hian Chawngte RD Block huam chhunga Longpuighat, Devasora N, Damdep leh Parva khuaa anganwadi centre leh sikul hrang hrang te, tui leh eng dinhmun te, inkal pawhna kawng leh inbiak pawhna te, zirna leh a mi chengte hriselna dinhmun te bakah, hmasawnna hna thawh hrang hrangte a en fiah a. Hmasawnna kawnga khawtlang mamawh hrang hrangte zir chiangin, khawtlang hruaitu, tlawmngai pawl hruaitu leh khaw mipuite nen an inkawm a; anni hian a hnenah an mamawh hrang hrang an lo thlen a ni. 

Lawngtlai DC hi Chawngte BDO Pu Zorammuana leh Lawngtlai DIPRO Pu C.Lalhruaitluanga te'n an tawiawm a. Parvaah hian Assam Rifle hotupa Major SV Krishnan chuan lo dawngsawngin, ramria venhimna hna kalpui dan te, harsatna hrang hrang awm thei leh hma lak tulna te an sawi ho bawk.

Attachment

  • Loading attachment...