Lawngtlai Bawrhsap Pi Shashanka Ala, IAS chuan vawiin khan District Hospital Lawngtlai a tlawh a. District Medical Superintendent charge la mektu Dr Zothanpari Chhakchhuak hovin doctor leh nurse thenkatin lo dawngsawngin, damdawi in an lo fan kualpui.

Bawrhsap Pi Shashanka Ala chuan Lawngtlai District Hospital chu thianghlim leh felfai a tih thu sawiin, a tum aia thaa a hmu chuan a tihlim hle tih a sawi a. Kayakalp inelnaa Mizorama damdawi in fai leh mawi ber an ni chu a lawmpui tak zet tih sawiin, an phu ve renga a hriat thu a sawi.

Damdawi in thawktute chuan an hna thawh dan leh an hmanraw neih hrang hrang lo kawhhmuhin, an harsatna leh mamawhte pawh an lo thlen bawk a. Bawrhsap chuan hma sawn zel tum tura chahin, ambulance leh CCTV an mamawh thu an lo thlen chu ngaihtuahpui a tum thuin a chhang a. Damdawi in building thar tur sak mek chu tha taka sak zawh thuai a nih theih nan hna thawktute leh a viltu PWD lam sawipui a tum tur thu a sawi bawk.