1849/2022-2023

Mimkut thla ni 7, 2022: Vawiin khan Lawngtlai Bawrhsap Pu Amol Srivastava chuan District Hospital Lawngtlai (DHL) leh ART (Anti-Retroviral Therapy) Centre te tlawhin, an dinhmun leh mamawh a enpui.

Bawrhsap hi Additional Deputy Commissioner Pu James Miahlung leh Senior Medical Officer Dr S. Thaizi te'n ṭawiawmin, District Medical Superintendent (DMS) Dr Beiparysa K. hovin thawktute'n an lo dawngsawng a. Damdawi in chhung, ART Centre leh Integrated Counselling & Testing Centre (ICTC) awmna District Blood Bank te an fan kual hnuin, DMS office chamber-ah hriselna kawnga hmasawnna tur leh hma lak dan tur hrang hrang an sawi ho nghal a ni. 

Miin HIV a kai leh kai loh endikna leh an rilru buatsaihna hmun ICTC leh HIV positive-te'n inenkawlna damdawi an lakna hmun ART Centre te building hrana a awm avanga harsatna an tawh ṭhin leh HIV positive zingah damdawi lak loh phah an awm ṭhin thu thawktute'n an sawi chu a chin fel dan tur ngaihtuah niin, hemi harsatna su kiang tur hian Blood Bank building-a ICTC awm ṭhin chu ART Centre building-ah sawn lutin, ART Centre leh ICTC te hi hmun khatah awm tawh se, tih a ni a. Thisen test chungchang leh HIV positive te enkawl chungchanga hma lakna tur pawimawh hrang hrang an sawi ho bawk.


Attachment

  • Loading attachment...