1848/2022-2023
Lunglei the 7th September' 2022: Vawiin chawhnu khan DC Conference Hall ah Pu Donny Lalruatsanga, Addl. Deputy Commissioner, Lunglei kaihhruaiin District Level Monitoring Committee on Prime Ministers Employment Generation Programme (PMEGP) Scheme for Lunglei District 2022-2023 meeting neih a ni. Meeting ah hian DIC, KVI, Lead Bank bakah Line Department hrang hrang leh VC hruaitute an tel.

Pu Donny Lalruatsanga chuan PMEGP Scheme hi mipui te tana eizawnna ngelnghet siamsakna tur anih avangin mipui leh line department te thawhhona tha tak nena kalpui a ngaih thu a sawi a ni.

Pu Vanlalsanga, General Manager, DIC leh Member Secretary, District Level Monitoring Committee on PMEGP Scheme, Lunglei ni bawk chuan report pein Manufacturing unit Project cost cheng nuai 25 ni thin chu cheng nuai 50 ah tihsan niin Inservice unit Project cost cheng nuai 10 ni thin chu cheng nuai 20 a tihsan anih thu a sawi a. PMEGP Scheme ah hian Scheme thar Transport Activities (Taxi, Auto Ricshow) permit nung te tan a dil theih bakah Ar vulh, Bawng vulh, Sangha dil siam, khuaikhawi leh pangang khawitute tan pawh PMEGP loan a dil theih thu a sawi bawk.

Meeting ah hian kum 2021-2022 leh kum 2022-2023 chhunga PMEGP Scheme hmalak tawhna leh hmalakna tur te thlirhona neih a ni a. Kum 2021-2022 chhunga DIC hnuaia loan project target 50 ah 54 te hnenah pek an ni a, KVI hnuaia loan project target 53 ah 33 te hnenah pek an ni. Kum 2022-2023 chhunga DIC loan project target 27 ah diltu 28 an awm a, KVI hnuaia loan project target 46 ah diltu 41 an awm thu tarlan a ni. Enterpreneurship Development Programme hnuaia thingtlang mi te tana training na hmun Rsetis (Rural Self Employment Training Institutes) dindan tur District Administration in ruahhmanna siam se tih a rel a ni. Lunglei District ah DIC sponsored tu Bank 8 awmin KVI sponsored tu Bank 13 an awm thu tarlan a ni bawk.