1847/2022-2023
Aizalwl 7th September 2022 : Mizoram chhung District hrang hrangah Village Council leh Local Council seat ruak hnawhkhat tur a inthlanna chu tluang taka neih zawh a ni ta a. A hnuai a tarlan ang hi Seat ruak hnawhkhah tura State Election Commission in a puan te chu an ni:

Aizawl Municipal Corporation hnuaiah Local Council 4(pali)-a seat 12 (sawm pahnih) hnawhkhat turin inthlanna tluang taka neih a ni. Heng Local Council 4(pali) ah hian voters 7522 awmin Leitan Ramthar leh Zemabawk South-ah te hian MNF candidate-te uncontested-a an tlin vek avangin vote thlak a ni lo a, voters 3572-in vote an thlak a, a pumpuia vote thlak zat hi Leitan Ramthar leh Zemabawk South voters tel lo in za zelah 60.11 a ni.

Non-Autonomous District Council area hnuaiah hian Aizawl, Lunglei, Serchhip, Champhai, Mamit, Kolasib, Saitual leh Khawzawl District-ah te Village Council 18 (Sawmpariat) ah Seat 22(Sawmhnih pahnih) hnawhkhat tur a inthlanna neih tura puan a ni a. Saitual District-a Keifang Venglai hi Gauhati High Court, Aizawl Bench thuchhuak angin inthlanna thulh a ni. Seat 17(Sawmpasarih) hnawhkhat tura inthlanna neih niin Voters 21156 awmin voters 13197 in vote an thlak a, a pumpuia vote thlak zat hi Keifang Venglai voters tel lo in za zelah 65.27 a ni.

Mara Autonomous District Council hnuaiah Village Council 8(pariat)-a seat 29 (sawmhnih pakua) hnawhkhahna turin inthlanna tluang taka neih a ni a. Voters 3325 awmin Siaha Vaihpi Bazar hi Independent Candidate-te uncontested-a an tlin vek avangin vote thlak a ni lo a, voters 2011-in vote an thlak a, a pumpuia vote thlak zat hi za zelah 69.20 a ni.

Lai Autonomous District Council hnuaiah Village Council 5(panga)-ah inthlanna neih a nih laiin Hmawngbuchhuah ah hian qualified contesting candidates an awmloh avangin inthlanna neih theih a nilo. Voters 1842 awmin voters 1022-in vote an thlak a, a pumpuia vote thlak zat hi Hmawngbuchhuah voters tel lo in za zelah 62.55 a ni.
 

Local / Village Council Member thar thlan chhuahte chu he’ngte hi an ni:

LOCAL COUNCILS UNDER AMC AREAS

NON-AUTONOMOUS DISTRICT COUNCIL AREAS:

VILLAGE COUNCILS UNDER MADC AREAS

VILLAGE COUNCILS UNDER LADC AREAS

He inthlanna ah hian harsatna lian tham thleng a awm lo a, vote thlak chungchang bakah dan leh thupek kenkawh kawngah leh inbiak pawhna lamah pawh District Election Officer leh a thawhpuite, SP leh a thawhpuite, Returning Officer-te, Polling Official & Counting Official-te leh Political Party-te leh NGO-te inpekna leh thahnemngaihna avangin inthlanna a felfaiin a muanawm hle a ni. State Election Commission chuan he inthlanna tluang taka neih a nih theihna atana mawhphurtu leh tha thawhtu zawng zawngte chungah leh Democracy tihlawhtling tura vote thlaktu mipuite chungah lawmthu a sawi tak meuh meuh a ni.