2900/2024-2025

Dated Lawngtlai,8th November 2024 : Vawiin chawhma khan Pu Cheemala Siva Gopal Reddy, IAS, Lawngtlai District bawrhsap chuan leminin a tihchhiat Kaladan Multi-Modal Transit Transport Project (KMMTTP) kawngpui thenfai hnathawh mêk chu a hmunah kalin a enfiah.

Pu Cheemala Siva Gopal Reddy chuan fûr ruahtui tlâk nasat avanga KMMTTP kawngpui leminin a hnawh leh tihchhiat ang angte a hma lama thenfai leh siamthat hnathawh a tul tak zet thu a sawi a. He kawngpui tlang loh avanga harsatna tâwk mekte din hmun a hriatthiampui tih tarlangin tun dinhmunah a thenfai hna  chak zawka thawh mek a ni chu lawmawm a tih thu a sawi. Leiminin a tihchhiat kawngpui siam that leh thenfai hnathawk mêktu ABCi - te chu mipuite dinhmun hrethiam a, chak zawka hnathawk turin bawrhsap chuan a chah a. ABCi chuan chawlhkar khat chhunga lirthei tlan thei tura an thenfai theih tur thu bawrhsap hi an lo hrilh a ni.

Pu Cheemala Siva Gopal Reddy hi Pu Zoramsiama Hmar, Addl. DC, Pu Robert S. Beirosa (SDPO), Er. Lalkhanhau, E.E (MPWD), Er. Lalramdina, SDO (MPWD), Project Head, IRCON International Ltd. Kaladan Road Project leh kawngpui thenfai hnathawk mektu ABCi lam ten an tawiawm a ni.