2901/2024-2025

Dated: Mamit the 8th of November, 2024: Vawiin chawhma dar 11 khan DC Conference Hall, Mamit-ah Jal Utsav Campaign kal mekah sikul zirtirtute tan training buatsaih a ni a, Pi Carolyn LB Khiangte,Addl DC Mamit chuan he hun hi a kaihruai. 

Pi Carolyn chuan he campaign hi India ramah district thlan chhuah bik 20-ah hman niin chumi zing a Mamit district thlan a ni chu lawmawm a tih thu a sawi a, tui hman thiam pawimawhna inzirtir hi tun atan mai ni lo chhuan lo awm zel tur te tan a tangkai thu a sawi. Training tur a lo kal zirtirtute chuan dinhmun pawimawh tak an chelh thu sawiin zirlaite an kal zelna turah tui renchem a tul zia leh ruah tui dawn khawl a pawimawhna zirtir a tul thu a sawi bawk. 

He hunah hian Pu James Lalngilneia, Technical Manager, District Laboratory, Mamit PHED chuan Field testing kit hmangin tui thianghlim leh thianghlim loh test dan a entir a, hemi zawhah hian Pi Lalrintlaki, Health & Wellness Officer, Mamit Sub-Centre chuan Kut silfai dan training a pe bawk. Pi Laduhsangi, District Co- Ordinator, SBM(G) Mamit PHED chuan lawmthu sawina hun hmangin hun a khar a ni. 

Jal Utsav campaign hi National Jal Jeevan Mission leh Ministry of Jal Shakti bul tum niin ni 15 chhung - 6th November atanga 24th November thleng hman tur a ni a, India ram a district 20 thlan chhuahah he campaign hi kalpui a ni. He campaign in a tum chu tui humhalh pawimawhna inzirtir te, tui renchem dan leh mipui vantlang tui humhalh chungchanga thoh ho that te hi an ni.