Bawrhsap Dr A. Muthamma IAS chuan nimin khan Lawngtlai RD Block chhunga khaw pali – Kawrthindeng, Ngengpuitlang, Tuithumhnar leh Hmawngbu te tlawhin, an dinhmun a en fiah.

Lawngtlai DC hi Lawngtlai BDO Pu Zoramsiama Hmar leh Lawngtlai DIPRO Pu C.Lalhruaitluanga te'n an tawiawm a. He'ng khuaa anganwadi centre leh sikul hrang hrang te, tui leh eng dinhmun te, inkal pawhna kawng leh inbiak pawhna te, zirna leh a mi chengte hriselna dinhmun te bakah, hmasawnna hna thawh hrang hrangte a en fiah a. Hmasawnna kawnga khawtlang mamawh hrang hrangte zir chiangin, khawtlang hruaitu, tlawmngai pawl hruaitu leh khaw mipuite nen an inkawm a; anni hian a hnenah an mamawh hrang hrang an lo thlen a ni.