Isua Krista hnungzuitute tana hun ropui tak, Good Friday leh Easter Sunday kan hmang tlang leh thei hi lawmawm ka ti a. He ni thianghlimah hian Mizo mipuite thinlung takin chibai ka buk a, Pathianin Mizoram leh Mizote chungah malsawmna vur zel rawh se. Biak in leh hmun hrang hranga he ni thianghlim lawmtu zawng zawng te chu ram chhung bakah khawvel hmun tina remna leh muanna a lo awm zel theih nan lo inhlan thar leh theuh ila, kan tawngtaina ber ni turin ka duh a ni.

India ram hi sakhaw tih bik neilo, tupawhin eng sakhua pawh a biak theihna a ni a, a ram chhunga chengte mi chi hrang hrang kan nih angin kan sakhaw vawn pawh a inang vek lo mahse kan inzahsak tawn zel avangin tun thlengin sakhua avanga buaina lian kan tawk lova a lawmawm hle a. Kan ram ropui tak hi a lo ngelnghet zual zelna turin sakhuana thilah midangte nek chep lova nunho kan zir bakah inngeih tlang taka kan chen za thiam hi a duhawm ber a ni.

Midangte tana malsawmna, nungcha, thing leh mau chunga ngilneih, thilsual ngaih theihlohna leh Pathian Engkimtitheia awm tih rinna hi sakhua zawng zawngin an pawm tlan a ni a. Kristiante inzirtirnaah phei chuan thiltha tih a langsar hle a. Mizoram mipui tam zawkin Kristian sakhua vuantute an nih angin India state danga chengte tan entawn tlak ni chhunzawm tur leh midangte tanpuina kawngah chuan inpe deuh deuh turin he ni thianghlim, Good Friday leh Easter Sunday Ni pual hian ka sawm vek che u a ni.

Good Friday leh Easter Sunday Chibai ule.

Jai Mizoram!

Jai Hind!