No.6481/2020-2021 

Lawngtlai, Sahmulphah thla ni 9, 2020: Lawngtlai Council Veng huam chhungah Rapid Antigen Test (RAgT) atangin COVID-19 positive mi pathum hmuh niin, contact tracing tih mek a ni a. Hemi kaihhnawiha Chief Medical Officer, Lawngtlai District thurawn angin vawiin khan Lawngtlai Bawrhsap Dr Andrew H. Vanlaldika chuan vantlang zinga hri inkai darh palh awm thei ven nan heti ang hian thupek a chhuah.

Council Venga FCI Godown leh Dinthar inkar leh RDS Camp te mipuite him zawk nan dt. 09.11.2020 atanga thu leh awm hma chu pawn lam mi phalna nei chauh lo chu tu mah luh/kal phal a ni lo va. Hemi huam chhunga mipuite pawh tul tawp a nih loh chuan pawn chhuah leh inlen pawh loh tur a ni.

He thupek hian Deputy Commissioner, Lawngtlaiin phalna a pekte, Medical Duty-te, COVID-19 duty-te leh VLTF duty-te leh print & electronic media mite a huam lo ang a. Mi dang, a chunga tar lan tak hmunte kal tlang tur chu ding muang lovin an kal tlang thei bawk ang.

Attachment

  • Loading attachment...