No.3339/2019-2020


COVID-19 hri leng a darh zel loh nan leh mipui an him nan sawrkar hma lakna hnuaiah medical, police, khawtlang hruaitu leh tlawmngai pawl te'n theih tawp chhuahin hna an thawk a. Anni bakah hian mipui mamawh zualpui a khaihlak loh nan a phena thahnem ngai taka thawk tam tak an awm a. Lawngtlai District chhunga chuti anga thawktute chungah chuan Lawngtlai Bawrhsap Pi Shashanka Ala, IAS chuan lawm thu a sawi.

Heti anga thawktute hian mahni nunna thap tak meuh meuhvin an thawk a, hri an kai palh pawh a hlauhawm zual em em a ni. Chutih lai chuan invenna tur, hmui tuamna (mask) lei mai tur a vang em em a. Hei hi hriain Lawngtlai Bawrhsap chuan Delhi atangin hmui tuamna 10,000 chahin, hei hian nimin khan Lawngtlai a lo thleng a. Vawiin khan Lawngtlai District chhunga a hmatawnga thawktute tan block hrang hrangah te, police leh medical duty te hnenah te, CYLA hnenah te sem darh nghal a ni.

Attachment

  • Loading attachment...