No.3428/2021-2022
Aizawl Pawltlak thla ni 16, 2021: Nimin khan Lawngtlai Bawrhsap Dr Andrew H. Vanlaldika chuan Lairam Christian Medical Centre & Hospital (LCMC&H), Lawngtlai leh Christian Hospital Lawngtlai (CHL) te tlawhin, an damdawi in dinhmun a enpui a. COVID-19 hri leng dona kawnga District tana tha an thawhnaah lawm thu hrilhin, hri leng dona kawngah leh District mipuite hriselna atana an thawhna kawnga tangkai taka an hman atan oxygen concentrator pahnih ve ve leh damdawi chi hrang hrang a hlan.

Bawrhsap hi Additional Deputy Commissioner Pu James Miahlung leh District MJA te'n tawiawmin, damdawi ina thawktute'n an lo dawngsawng a. Hriselna kawnga District hmasawnna tur hrang hrang te an sawi ho nghal a ni.