No.7440/2020-2021

Lawngtlai District chhunga Lungmak/Lungmawi tlawhtute lo him zawk nan leh chhiatna leh vanduaina thleng thei laka inven nan Lawngtlai District Magistrate & Bawrhsap Dr Andrew H. Vanlaldika chuan Disaster Management Act 2005, Section 34-na tlawh chhanin a hnuaia mi ang hian thupek a chhuah.

Lungmak/Lungmawi tlawhtute tana hriat tur:

1. Lungmak/Lungmawi tlawha riak turte'n lungpui chungah riahbuk an sual tur a ni lo.

2. Bawlhhlawh tawih thei lo hnutchhiah leh tibawlhhlawh zawnga khawsak phal a ni lo.

3. Lui lama infiamna (river crossing, rapelling, etc.) tih tumte'n DC Lawngtlai phalna an la hmasa tur a ni a, phalna an lak hnuah Disaster Quick Response Team (QRT) te nen ruahmanna siamin an ti tur a ni.

4. Lungmak/Lungmawi tlawhtute him zawk nan tlawhtute'n New Tuidangchhuah balu lakna chhak lam Lungmak/Lungmawi nena a inkarah riahbuk an khuar tur a ni lo.

5. Lungmak/Lungmawi tlawh tur reng rengte'n Hruitezawl VCP hnenah hming leh address kimchang an report hmasa ngei ngei tur a ni.

Lawng khalhtute tana hriat tur:

1. Lawng fit tha leh mi phurhna tlak chauh tlantir tur a ni.

2. Lawng khalhtute'n VCP hnenah an hming te pein, VCP-in a lo list thla ang a, DC Lawngtlaiah a theh lut ang a, chumi hmang chuan DC Lawngtlaiin lawng khalhtu turte badge a lo siamsak dawn a ni.

(Hruitezawl VCP contact No. : 8132042301)

He thupek hi chhuah a nih ni (03.02.2021) atanga hman tan nghal tur a ni a. Thupek zawm lote chu DM Act, 2005 Section 51 hmanga hrem theih an ni ang.