No.7441/2020-2021
Public Works Department, Government of Mizoram chuan Mizoram chanchinbu hrang hrang leh Electronic Media lama PMGSY pawisa Rs.391.39 Crore bo anga sawi leh tarlan chungchangah a hnuaia tarlan ang hian sawifiahna a siam.
1. Kum 2019-20 a sum hmuh dan leh 2020-21 sum hman dan.
Kum 2019-20 chhunga State leh Central atanga sum hmuh Rs 640.08 Crores (Central Rs 576.06 Crores + State 64.02 Crores) atangin ni 31.3.2020 thleng khan Rs 248.69 Crores hi MiRRDA Account a chhun luh a ni a, a bang Rs 391.39 Crores hi chhun luh hman a nih loh avangin Deposit Account, D-III a dah a ni. Kum 2020-21 chhungin D-III atang hian Rs 156.94 Crores chu hman a ni leh tawh a, tun dinhmunah a bang Rs 234.45 Crores hi hman turin release tura hma lak mek a ni.
MoRD Guidelines ah kum thar hlima opening balance atanga 60% kan hman hnuah Utilisation Certificate siamin Sanction thar a dawn theih a, hemi kum vek pawh hian a bang 40% leh release thar te belhkhawm atanga 60% hman leh a nih chuan Utilisation Certificate siamin Sanction thar a dil leh theih bawk. Kum 2020-21 kum tira balance hi Rs 404.09 Crores a ni a, heta tang hian 2020-21 chhung hian Rs 228.53 Crores hman a ni tawhin 60% kan la hman tlin lohna hi Rs 13.93 Crores a ni. Kum tira kan balance atanga 60% kan la hman tlin loh avangin 2020-21 chhung hian Central Sanction kan la hmu lo a ni.
Rs 391.39 Crores a bo ti a sawi hi a bo ni lovin March 2020-ah Sawrkarah Challan hmanga Deposit thlap a ni a, heta tang hian Rs 156.94 Crores phei chu 2020-21 kum chhung hian release a niin hman a ni tawh nghe nghe.
2. Contractor ten October atanga bill lak theihloh chungchang.
October thla atanga Contractor ten bill an la theilo anga sawi chungchangah hian Bill hi pek reng a ni a, kum 2020-21 chhunga Contractor hnen a bill pek dan chu hetiang hi a ni :-
April 2020 - Rs 11.98 Crores, May 2020- 37.02 Crores, June 2020 - 24.09 Crores, July 2020 - 18.09 Crores, August 2020 - 16.91 Crores, September 2020 - 23.91 Crores, October 2020 - 28.91 Crores, November - 22.40 Crores, December 2020 - 34.63 Crores, January 2021 - 10.59 Crores.
