No.5321/2020-2021

Lawngtlai, Mimkut thla ni 22, 2020: Lawngtlai District chhungah Mizoram Fisheries Act, 2012-in a phal bak hmanraw hmanga luia nungchate man leh tul lova suat an nih thin avangin, ei leh bar atana mamawh leh ram timawitu luia nungchate an mang mai loh nan nimin (21.09.2020) khan Lawngtlai District Magistrate Dr Andrew H. Vanlaldika, MCS chuan CrPC (Criminal Procedure Code), 1973 section 144-na tlawh chhanin a hnuaia mi ang hian thupek a chhuah.

"Dynamite, chinai, tur chi hrang hrang, bleaching powder, ru, dynamo leh generator hmanga luia nungchate man leh nghafuan ven te khap tlat a ni."

He thupek hian chhuah a nih atanga thla hnih chhung a huam ang a. A bawhchhiate chu IPC (Indian Penal code) section 188-na hmanga hrem an ni ang.