3968/2024-2025
Lawngtlai 25th January 2025 : Lawngtlai District bawrhsap Pu Cheemala Siva Gopal Reddy, IAS, chuan nimin khan a Office Chamber - ah NHIDCL houte ko in, Lawngtlai by-pass road- a Parapet chungchang a sawipui.
Pu Cheemala Siva Gopal Reddy, chuan Lawngtlai by-pass road - a Parapet siam a chhe lutuk chu pawi a tih thu sawiin, a thupek anga nawrchhiat vek a ni chu lawmawm a tih thu a sawi a. NHIDCL chu mipuite tan a kawngpui tha tak siam tur an nih lai a, an hnathawh sawisel a ni fo chu pawi a tih thu tarlangin, tun hnuah tha leh rintlak tak a hnathawk tawh turin a hrilh a. NHIDCL hotute chu an hnathawh uluk tur te, tha, rintlak leh daihrei zawka hnathawk tura chahin an hnathawh chu District Administration- in an vil reng tur thu a hrilh nghal a ni.
Pu Cheemala Siva Gopal Reddy, hmalaknain Lawngtlai khawpui leh Chawnhu khaw chhung kawngpui chhe zual laite hi siam that a ni tawh bawk a. Bawrhsap chuan kawngpui tha zawk nei tura hmalak zel a nih tur thu a sawi bawk.
