3969/2024-2025

Lunglei, 2025 Pawlkut thla ni 25: Vawiin khan National Voters' Day (NVD) vawi 15-na chu "Nothing Like Voting, I Vote For Sure" (Vote thlak tluk a awm lo, vote ka thlak ngei dawn) tih thupui hmangin Lunglei DC Conference Hall-ah District Election Officer, Lunglei District Bawrhsap Pi Navneet Mann hovin hman a ni.


Lunglei DEO Pi Navneet Mann chuan kal khawmte NVD vawi 15-na chibai bukin, mahni ai awh thlang thei tura vote neite chuan vote thlak hi kan chanvo leh mawhphurhna a ni, a ti a. Village council leh local council inthlan lo awm tur chu mipui rorelna bulṭhut a nih angin District mipuite chu vote thlak ṭheuh turin a sawm a. Inthlan kaihhnawiha election branch inpekna leh thawh rimna fakin, NVD hlawhtlinna tura kal khawmte leh intihsiaknaa telte chungah lawm thu a sawi bawk. 

He hun hi Election Officer Pi R. Lalrinzuali'n kaihruaiin, kal khawmte'n NVD thu tiam an chham rual a. Vote nei thar leh vohbik (person with disability - PwD) te hnenah electoral photo identity card (EPIC) sem niin, NVD 2025 puala auhla (slogan) inziahsiak leh booth level officer (BLO) thawk ṭhate lawmman sem a ni bawk a. Sub-Deputy Commissioner Pi Lalhlimpuii Pachuau chuan lawm thu sawiin hun a khar a ni.

NVD 2025 puala slogan writing competition (higher secondary school level)-a lawmman dawngtute chu:

1st prize: Hose Lalremtluanga, Class-XI, Govt HSS, Lunglei
2nd prize: Judy Lalhminghrili, Class-XI, Baptist HSS, Lunglei
3rd prize: Lalrinnunga Renthlei, Class-XII, Mt Carmel School, Lunglei
Consolation prize:
1) H. Lalthangmawii, Synod HSS, Lunglei
2) Samuel C. Lalnunpuia, Class-XII, Baptist HSS, Lunglei

1-na hian ₹ 4,000/-, 2-nain ₹ 3,000/- leh 3-nain ₹ 2,000/- te dawngin, mi 2 hnenah consolation prize ₹ 500/- ve ve hlan a ni bawk.

Best BLO chawimawina, ₹ 2,000/- chu heti ang hian hlan a ni bawk:

30-Lunglei North A/C:
30/20-Serkawn-I BLO Pu R. Lalrinzuala, Teacher, Govt P/S-II, Electric Veng

31-Lunglei East A/C:
31/18-Zobawk-III    BLO Pu R. Zohmingliana, Headmaster, Govt P/S-I, Zobawk

32-Lunglei West A/C:
32/16-College Veng BLO Pu K. Lallawmpuia, Headmaster, Govt M/S, College Veng

33-Lunglei South A/C:
33/6-Theiriat-I BLO Pu C. Lalhmachhuana, Headmaster, Govt DM M/S, Theiriat

34-Thorang A/C:
34/16-Tuikawi BLO Pi R. Zaithanchhungi, Headmaster, UPS, Tuikawi

35-West Tuipui A/C:
35/16-Silgur BLO Pu Zokunga Sailo, Range Officer, Tlabung Forest Range

Attachment

  • Loading attachment...