3970/2024-2025

Champhai, 25th January 2025: India ramin mahni puala duan ram danpui a neih champhaphak hriatrengna leh lawmna Republic Day vawi 76-na chu naktuk hian Chhangphut Field-ah neih a ni dawn a. Champhai Bawrhsap Pu VL Remliana chu khuallian a ni ang.

Republic Day pual hian zing dar 06:00 ah sawrkar pisa leh mimal inah te hnam puan zar chhuah a ni dawn a. Zing dar 08:00-ah Chhangphut Field-ah khuallian a thleng ang a, hnam puanzar pawt pharhin parade contingent te a enfiah ang. Hei hi Republic Day pual Parade in a chhunzawm ang a, khuallian hian parade contingent te hnam puanzar chibai buk a chhang let ang. Bawrhsap hian Republic Day thuchah a sawi zui ang a, lawmman hrang hrang  semna hunin a chhunzawm ang.

Chhangphut Field-a Republic Day lawmna hi TV-ah CCN leh LCN ah live a pek chhuah tum a ni a. An YouTube Channel-ah ṭheuh live a pek chhuah tum a ni bawk.

Republic Day 2025 lawmnaah hian Parade Contingent  18, Unarmed 5 , Armed 1 leh School 12 bakah Band Party 1 an awm a. He huna tel tur hian mipui a duh apiang sawm an ni.