No.6343/2020-2021

Lawngtlai, Khuangchawi thla ni 23, 2020: Lawngtlai District chhungah vantlang zingah COVID-19 positive hmuh chhuah an nih avang leh kai thar zingah thalai kum naupang zawkte an awm avang te, mipuite zinga inkai darh zel tur ven nan leh mipuite hri leng mek laka an him zawk theih nan Lawngtlai District Magistrate Dr Andrew H. Vanlaldika chuan CrPC section 144-na tlawh chhanin heti ang hian thupek a chhuah.

Lawngtlai khawpui chhungah Dt. 25.10.2020 (Pathianni) zing dar 8:00 leh zan dar 6:00 inkarah phalna nei lote chu tu mah khawlai chhuah phal a ni lo.

He thupek hian COVID-19 official duty, medical duty, dan leh thupek kengkawhtute, media person, P&E leh PHE hnuaia emergency duty-te, bawnghnute semte leh Mizoram sawrkar order date 7.10.2020-in phalna a pek Area Baptist Council (ABC) Kohhran Upa nemngheh inkhawma tel turte a huam lo vang.

He thupek zawm lote chu IPC section 188-na hmanga hrem an ni ang.