No.6344/2020-2021

Lawngtlai, Khuangchawi thla ni 23, 2020: Lawngtlai khawpui chhungah COVID-19 positive hmuh chhuah belh zel a nih avang leh mipuite him zawk nan Lawngtlai District Magistrate Dr Andrew H. Vanlaldika chuan heti ang hian thupek a chhuah.

"Lawngtlai khawpui chhungah Dt. 24.10.2020 (Inrinni)-ah damdawi dawr tih loh dawr dang reng reng hawn phal a ni lo.

"Amaherawhchu, thlai hnah/chawhmeh zuarte inpho phal a ni ang a. Mahni veng chhung thlai hnah/chawhmeh zawrhnaah social distancing vawn a nih theih nan veng neitu VLTF leh Branch YLA te'n mawh an phur ang a, thlai hnah zuarte thutna uluk takin an enfiahin, a tul angin an rem felsak ang."

He thupek hian Deputy Commissioner, Lawngtlai District-in phalna a pekte leh tul bik thila veng neitu VLTF-te'n phalna an pekte a huam lo vang a. A zawm lote chu The Mizoram (Containment and Prevention of COVID-19) Ordinance, 2020 hnuaiah hrem theih an ni ang.

Lawngtlai Bawrhsap chuan hemi chhung hian mipuite pawn chhuak tam lo tur leh tul bik thila chhuakte pawh kawng laka tawi khawmuang lo va, an tum ram pan tlang zel turin a ngen bawk a ni.