Lawngtlai, Sahmulphah thla ni 26, 2020: Lawngtlai District chhunga Thingkah khaw chhungah COVID-19 positive case hmuh chhuah belh zel a nih avang leh a kaihhnawihah chhungkua 45 lai home quarantine an nih avanga Thingkah VLTF te ngenna angin mipuite him zawk nan leh mipui vantlang zinga hri darh zel tur ven nan leh contact tracing chak zawk leh felfai zawka kalpui a nih theih nan vawiin khan Lawngtlai District Magistrate Dr Andrew H. Vanlaldika chuan Disaster Management Act, 2005 tlawh chhanin Lawngtlai District-a Thingkah khuaah ni 26.11.2020 (Ningani) chawhnu dar 2:00 atanga ni 29.11.2020 (Pathianni) zan dar 11:59 chhung atan partial lockdown a puang.

He thupek hian a hnuaia tar lante hi a huam lo vang:

1. Dan Ieh thupek kengkawhtu Magistrate leh Police duty-te.

2. Deputy Commissioner, Lawngtlaiin phalna a pekte.

3. VLTF, Thingkahin phalna an pekte.

4. Medical Duty-te.

5. Covid-19 duty-te leh VLTF duty-te.

6. Print & Electronic Media mite.

7. Thingkah khaw chhung kal tlang turte chu ding muang lovin an kal tlang thei ang.

He thupek zawm lote chu The Mizoram (Containment and Prevention of COVID-19) Ordinance, 2020 hnuaiah hrem theih an ni ang.