Tun hnai khan Lawngtlai District huam chhung Myanmar leh Bangladesh ramri velah thla lakna khawl thlawk thei (drone) thlawk kual hmuh leh man a ni a. Heti ang khawl (drone) hi ram dang tana enthlatute leh hmelmate hmanraw tangkai a nih theih avangin, Lawngtlai District Magistrate & Bawrhsap Pu N. Chakhai MCS chuan CrPC section 144-na tlawh chhanin Lawngtlai District huam chhung Myanmar leh Bangladesh ramri velah drone chi reng reng thlawhtir a khap.

He thupek hian thu leh a awm a nih loh chuan chhuah a nih (21.9.2018) atanga thla 2 chhung a huam ang a. A zawm lote chu IPC section 188-na hmanga hrem an ni ang.