Vawiin khan Agriculture Minister, Pu K.S Thanga chuan Hualngo Football Ground-ah Aibawk Zone Football Tournament, 2018 a hawng. 

Pu K.S. Thanga chuan Aibawk Zone Football Tournament buatsaihtute hnenah lawmthu a sawi a. Mizo thalaite hian infiamna lama an vanneihna hi hre thar turin leh tun hun tha hi hmangral mai mai lo turin a fuih a. India ramah Football sawi chuan Mizo thalaite hi an tel zel tawh a ni, tiin a sawi a. Football chauh nilo, Sports dang atan hma nasa taka lak a ni a, khelmual siam that leh, sportsman te tana eizawnna bul bal leh hlawh tha zawk an neih theihna turin infrastructure te pawh buatsaih mek zel a ni, a ti a. Tun hnaiah pawh Mizo Nula chuan India ram tan Hockey khelin, a hming pawh sports khawvelah a chher a ni, a ti a. Football mai niloah pawh India ram hi Mizo nula leh tlangval ten an hrut mek a ni, a ti bawk a ni. Football hi infiamna satliah mai  a nilo a, ram changkang leh zualah chuan indona lian tak anga ngaih niin, ram leh hnam tan thahnem ngai taka insawi zawiin, thuawihna nen anlo khel fo tawh a ni, a ti a. Insum theihna, thawhrimna leh thuawihna nei turin Aibawk Zone Football Tournament-a khel tur zawng zawngte chu duhsakna a hlan bawk a ni.

Aibawk Zone Football Tournament-ah hian khua 13 atangin Mipa Team 19 leh Hmeichhe Team 6 ten an khel ang a, a vaiin Match 22 a awm ang.