No.4223/2020-2021    

Lawngtlai, Thlazing ni 19, 2020: COVID-19 hri leng karah buh leh bal leh thlai chin te a lo him zawk nan te, ui seh laka mipui him nan leh khawtlang a lo fai a, a lo thianghlim zawk nan Lawngtlai District Magistrate & Bawrhsap Dr Andrew H. Vanlaldika, MCS chuan CrPC section 144-na tlawh chhanin a hnuaia mi ang hian ran khuahkhirhna tur thupek a chhuah.

1. Mi tu mahin an ui khawlaiah chain-a thlung lovin an chhuah tur a ni lo.

2. Vawk vulhtute'n an vawk vulh a huangah an khung vek tur a ni.

3. Ar (Zo ar) vulhtute'n an ar vulh khawlaiah chhuah lovin a bawmah an khung vek tur a ni.

4. Mi tu mahin an ran vulh lai khawlai leh ramhnuaia tla chi sial, bawng leh kel te a mei vuan lovin (enkawltu awm lovin) khawlaiah leh ramhnuaiah an tlattir tur a ni lo.

5. Sial, bawng, vawk leh ar, etc. te ram dang atang leh district dang atangin Lawngtlai District chhungah lak luh khap tlat a ni.

He thupek hian thu leh a awm a nih loh chuan chhuah a nih ni (August 18, 2020) atanga thla 2 chhung a huam ang a. A zawm lote chu IPC section 188-na hmanga hrem an ni ang.