No.5/2020-2021

COVID-19 vanga inkharkhip chhungin Lawngtlai District mipuite’n ei leh bara harsatna an tawh loh nan Lawngtlai Bawrhsap Pi Shashanka Ala, IAS chuan vawiin khan Lawngtlai District chhunga Supply Godown bialtu DCSO-te leh Fair Price Shop dealer (retailer)-te hnenah a hnuaia mi ang hian thupek a chhuah.

1. Retailer nghaktute’n an supply godown theuh atangin April thla chhunga an buhfai sem tur (quota) an la theuh tur a ni ang. La lo an awm a nih chuan dan anga hrem tur an ni ang. Bialtu DCSO-te’n an hnuaia retailer tinte’n April thla quota hi an la ngei a ni tih an enpui tur a ni ang a, la lo an awm chuan a hnuaia thupek chhuahtu hnenah an hriattir nghal vat tur a ni ang.

2. April thla quota hi retailer tinte hnen atanga khulh theiin a awm ngei tur a ni ang. April thla quota sem tur nei lo retailer-te chu dan anga hrem an ni ang.

3. Retailer nghaktu tu pawh, an buhfai sem chhuah tur ang zat sem lo va, a black-a tiral leh zuar an awm a, hmuh chhuah an nih chuan an chungah action a na thei ang bera lak a ni ang.

4. Retailer thenkhatte’n tunlai hian an tana a awlsam zawk vang maiin, an dawr awmna pangngai ni lo, buhfai an lakna godown (kudam) atanga hnai teah an buhfai sem chhuah turte hi mipui hnena lo sem tum ta mai an awm nia thu dawn a ni a. Hei hi dan kalh a ni a, heti anga lo ti an awm a, man chhuah an nih chuan an chungah action a na thei ang bera la a ni ang.

Attachment

  • Loading attachment...