Lok Sabha Inthlanpui 2019-ah mipuite'n zalen leh thlamuang taka vote an thlak theih nan Lawngtlai District Magistrate & Bawrhsap Pi Shashanka Ala, IAS chuan CrPC (Code of Criminal Procedure) section 144-na tlawh chhanin Lawngtlai District huam chhunga silai nei zawng zawngte'n an awmna a?anga police station hnai berah ni 05.03.2019 ral hmaa an silai tung vek turin hriattirna a chhuah a. Mi tu mah silai kengin khawlaiah an vak tur a ni lo tiin, he thupek hian venhimna lam hna thawktu (security personnel)-te leh magistrate-te erawh a huam lo vang tih a tar lang.

He thupek hian sut a nih loh chuan chhuah a nih ni, ni 18.02.2019 a?anga thla hnih (2) chhung a huam ang a; a zawm lo leh bawhchhia chu IPC (Indian Penal Code) section 188-na hmanga hrem an ni ang.