Nimin (01.09.2016) chawhma dar 10 atang khan Lawngtlai DC Dr A. Muthamma chuan Lawngtlaia Health Sub-Centre thenkhat tlawhin, an dinhmun a enfiah.

Nimina DC-in a tlawhte hi Chawnhu Clinic, College Veng Sub-Centre leh Vengpui Sub-Centre te bakah, Chawnhu Anganwadi Centre-I te an ni a. An record, hmanrua leh damdawi an neihte endikin, an hna thawh dan te a zir chiang a. Thawktute chuan an thawk tha thawkhata a hriat thu sawiin, lawm thu a hrilh a. An thawh leh zelna turah inpekna thuk zawk nena theih tawp chhuah turin a fuih bawk.

DC chuan India Republic Day-a sem atan Lawngtlai District-a Health Worker thawk tha leh Sub-Centre ti thate tan lawmman siam a duh thu a sawi a. He hunah hian DC chu CMO charge la mektu District Medical Superintendent Dr Lalchhuankimi bakah, Lawngtlai District DPM leh Health Supervisor te’n an tawiawm a ni.

Attachment

  • Loading attachment...