3103/2023-2024

Lawngtlai dated 19th December 2023: Vawiin chawhma khan DC pisa tualzawl ah sawrkar laipui hnuai a mipuite tan a hamthatna hrang hrang zau zawk a puanchhuahna tur, ‘Viksit Bharat Sankalp Yatra’ Moblie IEC Van chu Pu Joseph H.Lalramsanga, Deputy Commissioner chuan a vailiam a. He IEC Van hi ni 23 chhungin Lawngtlai district huam chhung a khaw 46 tuam hman tur a tih niin chung khuaah te chuan Sawrkar laipui hnuai a Scheme 17 inhrilhhriatna hun an nei dawn a ni.

Pu Joseph H.Lalramsanga, Deputy Commissioner chuan khawsak harsa zawkte chawikanna tur leh khawtlang tihhmasawnna turin Sawrkai laipui chuan hamthatna hrang hrang a duan thin thu sawiin chung hamthatna dawng tur dik takten an dawn tur ang an hmuh ngei theih nan an chanvo an hriatchian a pawimawh thu a sawi a. Hemi kawngah hian Centrally Sponsored Scheme kalpuitu Office-a thawktute an pawimawh hle thu a sawi bawk. CSS hnuai a hmathatna hrang hrang awmte uar zawk a inhrilhhriatna tur ‘Viksit Bharat Sankalp Yatra’ chu awmze nei tak a kalpui turin Deputy Commissioner chuan kalkhawmte a chah a, Lawngtlai district-ah hmasawnna thlentu ni turin duhsakna a hlan bawk a ni.

IEC Van vailiamna hun hi Pu Abraham Beirazi Khithie, Addl. DC in kaihruaiin ‘Viksit Bharat Sankalp Yatra’ pawimawhna leh kalpui a nih dan tur tarlanna hun a hmang a. Khaw hrang hrangah hian Scheme chungchang Video tawi thlir hona hun buatsaih a ni ang. Sawrkar laipui Scheme kalpuitu Line department hrang hrang hotute he hun ah hian an tel bawk a ni.

‘Viksit Bharat Sankalp Yatra’ kalpuina ah hian Ayushman Bharat – PMJAY, PM Garib Kalyan Anna Yojana, Deendayal Antyodaya Yojona – NRLM, PM Awas Yojana, PM Ujjwala Yojana, PM Vishwakarma, PM Kisan Saman, Kisan Credit Card, PM Poshan Abhiyan, Har Ghar Jal – Jal Jeevan Mission, SVAMITVA, Jan Dhan Yojana, Jeevan Jyoti Bima Yojana, Suraksha Bima Yojana, Atal Pension Yojana, PM PRANAM leh Nano Fertilizer chungchangah zirtirna an kalpui ang a, khaw hrang hrangah heng scheme kalpuitu Line Department-a thawktuten an tawiawm dawn a ni.