3102/2023-2024

LUNGLEI the 18th December, 2023: Vawiin tlai dar 3:00Pm khan DC Conference Hall, Lunglei ah  Deputy Commissioner Lunglei, Pi Ramdinliani, IAS kaihhruaiin District Consultative Committee/ District Level Review Committee/ District Level Security Committee Quarterly Meeting For September,2023 neih a ni. Meeting ah hian District Lead Bank Manager, Pu  H. Lalhlimpuia, NABARD DDM, Pi C. Phiamphu bakah RBI, Bank hrang hrang Manager te leh Line Department hrang hrang aiawh te an tel a ni.

Pi Ramdinliani chuan Bank hrang  hrang achievment te chu duhthu a sam lova  Bank  hrang hrang te chu tan la theuh turin a chah a ni.  Bank hrang hrang  te hian  scheme an neih te mipui  lo kawhhmuh hi sorkar laipui duhdan a ni a, mipui te chu a ti hlawhtling tu an ni tih hria a theihtawp chhuah a, loan mamawh tak tak leh dinchhuah tum te hnenah thlengngeise a duh thu a sawi bawk.

Lunglei District hmasawnna tura Bank-te leh Line Department-te hmalakna tur pawimawh zirlawkna lehkhabu NABARD buatsaih ‘Potential Credit Link Plan 2023-24’ chu Pi Ramdinliani chuan meeting-ah hian a tlangzarh nghal a ni.

He meeting a pharh September 2023 quarter tawp a Lunglei District chhunga Bank hrang hrang te hmalakna tlangpui chu hetiang hi a ni. Bank hrang hrang te venhimna Bank Security dinhmun zirho a ni a. Lunglei District huamchhunga Bank hrang hrang Security Guard la neilo te chu dah thuai tura hriattir an ni. Lunglei District chhunga Bank Credit Deposit Ratio (CD Ratio) chu September 2023 ah 65.42 % a ni. Reserve Bank of India in CD Ratio a bituk zat chu 60% niin Bank thenkhat 60% phalo te pawh tan la tura hriattir an ni. Agriculture, MSME leh Other Priority Sector te hnena loan pekchhuah chungchang pawh sawiin Agriculture hnuaiah annual target cheng 9732.98 ah September 2023  quarter chhungin cheng nuai 1616.93 an pe chhuak a, MSME hnuaiah  annual target cheng 5528 ah September 2023 quarter chhungin cheng nuai 4688.01 an pe chhuak bawk. Other Priority Sector hnuaiah annual target cheng nuai 3781.98 ah September 2023 quarter chhungin cheng nuai 1163.22an pe chhuak a ni. Kut hnathawktute tana loan Kisan Credit Card (KCC) Crop loan ah mi 996 te hnenah cheng nuai 647.35, Animal Husbandry ah mi 215 te hnenah cheng nuai 256.10 bakah Fishery ah mi 1 hnenah cheng nuai 1.50 an pe bawk. Prime Minister's Employment Generation Programme (PMEGP) ah September 2023 thleng khan mi 128  te hnenah loan cheng nuai 192.00 pechhuakin Sawrkar Laipui Scheme Pradhan Mantri Mudra Yojana (PMMY) hnuaiah September 2023 thlengin mi 1079 hnenah loan cheng nuai 1464.23 pek chhuah tawh a ni.

Bank chungchang hriattur pawimawh hrang hrang mipui mimir hnena zirtirna Financial Literacy Camp chu Lunglei District-ah a tam thei ang ber neih tur tih a ni bawk.

A chunga loan tarlan te leh hmalakna te khi Lunglei District chhunga Bank branch 23 - SBI Lunglei, SBI Chanmari, SBI Tlabung, SBI AOC Square, Axis Bank, Canara Bank, HDFC Bank, IDBI Bank, Punjab National Bank, MRB Lunglei, MRB Lunglawn, MRB Serkawn, MRB Buarpui, MRB Bunghmun, MRB Haulawng, MRB Lungsen, MRB Tlabung, MRB Lunglei Electric Veng, MRB Tawipui South, MCAB Lunglei, MCAB Zobawk, MCAB Chanmari leh NESFB te an ni.