4633/2024-2025

Lawngtlai, 13th March 2025: Vawiin khan Lawngtlai District Consumer Protection Council (DCPC) chuan an Chairman leh district bawrhsap nibawk Pu Cheemala Siva Gopal Redyy, IAS, kaihhruaiin DC Office Chamber- ah thutkhawm vawikhat na an nei.

Pu Chhemala Siva Gopal Reddy, chuan Lawngtlai District Consumer Protection Council (DCPC)  Member - te hnena lawmthu sawina a nei hmasa a. Lawngtlai mipui zawng zawng leh DCPC member - te ngei pawh consumer an nih vek angin, consumer -te dikna chanvo humhalh sak kawngah theihtawp chhuah turin a fuih a. Mipui hnen atanga 'compliant' lut ang angte a hma lama bawhzui leh chingfel thin turin DCPC- te a  chah. Sumdawngtuten  MRP aia to a thil an zuar leh hralh kawngah te, Expire date - pel tawh hralh te,  Company then khatin diklo taka an thilsiam an zuar kawngah leh bukna diklo hman chungchangah a rang lama District Consumer Protection Cell hnena thlen thin turin Lawngtlai mipuite a sawm a. Consumer - te tan englai pawha District Consumer Protection Council an awm reng thu a tarlang bawk.

Pu Lalrinsanga, DCSO leh Member Secretary nibawk chuan Lawngtlai District Consumer Protection Council (DCPC)  Member - te in hmelhriattirna neiin, DCPC din chhan leh thil tum tlangpui sawi zauna a nei a ni.

Thutkhawmah hian thil pawimawh tak tak sawiho a ni a. World Consumer Rights Day chu March ni 15 hian hman ni se, a hmun atan DC Conference Hall ni se tih a ni a. Hemi ni hian Lawngtlaia Head of Department zawng zawng, NGO leh Merchant Association leh zirlai naupangte sawm ni se an ti a. Resource Person atan Pu C. Laremsanga, Civil Judge chu sawm ni se an ti bawk. Lawngtlai District chhunga Consumer- te dikna chanvo humhalh leh an harsatna sutkian kawngah theihtawp chhuah zel  ni se tiin, Awareness pawh a tam thei ang bera kalpui  ni se an ti bawk.

Vawiin Lawngtlai District Consumer Protection Council (DCPC) thutkhawmah hian Member- te an tel kim vek thei a. Pu Chhemala Siva Gopal Reddy, chuan lawmthu sawina neiin hun a khar.