1179/2022-2023

Vawkhniahzawn thla ni 7, 2022: Lawngtlai District Administration hma laknaa Lawngtlai District chhunga zirna tihhmasawn nana Pratham Foundation nen ṭang duna pawl nga aṭanga pawl sawmpahnih inkar zirtirtute tana capacity development training ruahman chu a thawh khat nan Bungtlang 'S' leh Sangau RD Block huam chhungahte vawiin aṭang khan kalpui ṭan a ni.

Bungtlang 'S' leh Sangau RD Block-a Gurushala zirtirtu training kalpui turah hian Lai Autonomous District Council-a Hindi Education Officer (M/S) Pu Alex Lalzawmpuia chu Nodal Officer a ni a. A thawh khat nan hian Bungtlang 'S' RD Block chhungah sikul pahnih - Hermon Chawngte Middle School leh Bungtlang South Middle School te thlan niin, zirtirtu 19 an awm a; Sangau RD Block chhungah sikul pahnih - Govt Bualpui 'NG' Middle School leh Govt Siachangkawn Middle School te thlan niin, zirtirtu 24 an awm a. Sikul tinah hian Master Trainer 2 zelin an sikula kal chilhin an zirtir a. Training hi ni hnih awh tur a ni.

Heti hian Gurushala zirtirtu training hi Lawngtlai District chhunga block pali-ah a thawh khatna kalpui kim a ni ta a. June 16 - 20 inkar khan Chawngte RD Block huam chhungah leh June 23 - 27 inkar khan Lawngtlai RD Block huam chhungah te kalpui a lo ni tawh a. A remchan danin phase dang pawh kalpui chhunzawm zel tura ruahman a ni.

Attachment

  • Loading attachment...