March ni 19-22  chhung khan National Programme for Control of  Bllndness & Visual Impairment (NPCBVI), Lawngtlai District bul tumin Chawngte Community Health Centre-ah a thlawna mit entirna (free eye camp) hlawhtling taka buatsaih a ni.

 He camp-ah hian Eye Care Community and Research Centre, Aizawl aṭangin Dr KL Remsanga leh a team te an lo kal a. Lawngtlai District chhung aṭangin mit naute paw (cataract) 67 leh mit BP sang (glaucoma) 1 zai a ni a; Tlabung, Lunglei District aṭanga lo kal mit naute paw (cataract) 6 nen, a vaiin cataract 73 leh    glaucoma 1 zai an ni. He hunah hian World Glaucoma Week pualin glaucoma screening-ah mi 148 mit ensak an ni bawk.

 He eye camp buaipui tur hian Lawngtlai aṭangin Sr Medical Officer (SMO) Dr S. Thaizi, Lawngtlai District Programme Manager (NPCBVI) leh NPCBVI staff-te a hmunah zuk kalin an ṭhut chilh a. He eye camp vang hian hun rei tak mit khaw hmu tawh lote'n an hmuh theih phah a, hlawkthlak an tiin eye camp buatsaihtute chungah an lawm hle a ni.

 Eye camp-a mit zai man leh senso zawng zawng hi National Programme for Control of Blindness  Visual Impairment (NPCBVI), CMO office, Lawngtlai District-in an tum vek a ni.