Chief Electoral Officer’s Office, Mizoram leh Young Voters’ Club tangkawpin Systematic Voters’ Education and Electoral Participation (SVEEP) Programme hnuaiah one-minute mobile video competition an buatsaih dawn a, he competition ah hian “Inthlanna a vote thlak pawimawhna” tarlang thei video minute khat awh siam tur a ni ang. Video hi mobile phone hmanga siam tur a ni a,  a duh apiang tel theih a ni ang. He intihsiakna a tel te chuan an video tawi siam chu whatsapp message kaltlangin Phone number 9774231349/9089329312 ah April ni 4, 2019 ral hma in thehluh theih a ni ang, video clip thehluh rual hian a siamtu hming, chenna hmun leh mobile phone hman model te thehluh tel tur a ni a, lawmman tha  tak tak siam ani ang a, a zau thei ang bera thehdarh a ni ang. Lawmman te hi April ni 6, 2019 ah Chief Electoral Officer in a sem ang.