No.6400/2020-2021 

Lawngtlai, Khuangchawi thla ni 28, 2020: Mizoram puma 26.10.2020 atanga 9.11.2020 inkar chhunga COVID-19 laka inven nana inkaihhruaina dan hrang hrang khauh zawka lekkawh tura 'COVID-19 No Tolerance Fortnight' ruahman chu Lawngtlai District chhungah pawh khauh taka kal chhohpui zel a ni a. Vawiin khan dan bawhchhia mi 104 man niin, pawisa Rs 10,500/- chawitir an ni a. Fortnight chhung hian dan bawhchhia mi 234 man tawh niin, pawisa chawitir zat hi Rs 24,350/- a tling tawh a ni.

Vawiina dan bawhchhia mante hi vantlang hmuna hmai tuamna (mask) vuah tha lo mi 103 leh mi dang nena inhnaihchilh lo (social distancing) tura sawrkar thupek zawm lo mi 1 an ni.

Sawrkar thupek anga COVID-19 laka him nana khawsak phung duhawm (COVID-19 appropriate behaviour) zawm tura intiam, Jan Andolan Pledge la, Lawngtlai Bawrhsap office-a in-report vawiinah mi 67 an awm bawk.