No.1839/2020-2021

Lawngtlai, Nikir thla ni 9, 2020: Vawiin khan Lawngtlaia quarantine facility-a khung hran mekte ei in mamawh phuhruk nana Cheural Village Level Task Force (VLTF) kal tlanga khawtlang mipuite thlai thawh khawm te, MzSRLM Lawngtlai RD Block hnuaia Mampui leh Chawntlangpui Village Organisation (VO)-te'n District Level Task Force kuta thlai thar an pek te chu Additional Deputy Commissioner Pu K. Laltlawmlova, MCS chuan DC office tualah a lo dawng a. Hmunlai VLTF te'n Chawngtea Quarantine Centre tana chawhmeh thahnem tak an hlan chu Chawngte Sub-Divisional Officer (Civil) Pu S. Kaptluanga'n a lo dawng bawk.

Cheural VLTF atanga lut hi: samtawk & bawkbawn ip (bag) 3, theite ip 2, tumbu ip 4, anhling & vani-an ip 3, thingthupui ip 2, phuihnam ip 8, maian ip 3, antam ip 17 bakah, theihai, rawtuai, aiduria, zikhlum chang chawr leh hmarcha & bean & tawkte ip 1 theuh a ni a.

MzSRLM Lawngtlai RD Block hnuaia Mampui VO hnuaia Self Help Group 14 atanga lut hi: antam (tampui) tel 213, phuihnam tel 35, zopurun tel 60 leh aidu tel 6 a ni a. MzSRLM Lawngtlai RD Block hnuaia Chawntlangpui VO atanga lut hi: theihai ip 3, antam ip 3, maian ip 1, bawkbawn ip 1 leh litchi fun 4 a ni.

He'ng bakah hian nimin khan Lai Autonomous District Council (LADC) Education Department (Middle School) chuan COVID-19 dona kawnga a ?ul anga hman atan tui thianghlim (mineral water) case 45 (litre 540) chu Lawngtlai District Level Task Force kutah an hlan bawk a. Mineral water hi LADC Education Department (MS) ai awhin Superintendent/Hindi Propagation Officer Pu Alex Lalzawmpuia'n a hlan a, DLTF ai awhin Incident Commander/SDO(S) Pu V. Lalruatliana'n a lo dawng a ni.

District Level Task Force chuan COVID-19 dona kawnga DLTF tha tichak tura thilpek pe thintute hnenah lawm thu a sawi a. He'ng thilpekte hian sawrkar a chhawk hle thin tih an sawi.