318/2024-2025 

2024 Ṭau thla ni 20: Nimin, April ni 19, 2024 (Zirtawpni)-a Lawngtlai District chhunga polling station 181-a inthlan buaipuitu polling party-te chuan tlai dar 5-a inthlan vote thlak a zawh veleh inthlan nana hman EVM, VVPAT leh lehkha pawimawhte ching felin, an duty-na hmun chhuahsanin Lawngtlai an pan khawm nghal a. Tukin zing dar 7:05 khan polling party-te hian Lawngtlaia Receiving Centre an thleng kim chiah a ni.

Polling party-te hi strong room awmna Government Lawngtlai College-ah lo hmuah a, lo dawnsawn niin, EVM/VVPAT-te chu strong room-ah dah luh nghal zel a ni a. Polling party-te lo thlen kim hnu hian political party ai awhte hriatpuiin strong room hi kalh a, chhinchhiah nghal niin, sipaite'n an ven chhunzawm dawn a ni.

38-Lawngtlai East biala polling party 42 te chuan zing lam dar 2:15-ah Receiving Centre hi thleng kimin, 37-Lawngtlai West-a polling party 69 te chu zing lam dar 2:20-ah an thleng kim a. 36-Tuichawng biala polling party 70 te chu zing dar 7:05-ah an thleng kim a ni.

Polling party thleng hmasa ber 37/20-Saikah 'L' polling party chuan nimin tlai dar 5:30 khan Lawngtlai an thleng tawh a. Polling party zinga thleng hnuhnung ber 38/5-Borapansury-II East polling party chuan tukin zing dar 7:05 khan Lawngtlai an thleng a ni.