274/2024-2025

2024 Ṭau thla ni 18: Naktuk, April 19, 2024-a 1-Mizoram Parliamentary Constituency huam chhunga Lok Sabha Inthlanpui, 2024 buatsaih turah Lawngtlai District chhunga P-1 (inthlan hma chiah nia thlen ngai) polling station 65-a duty tur polling party-te chuan vawiin khan Government Lawngtlai College aṭangin an duty-na tur hmun an pan a. Sector bial ṭhen viltu tur sector magistrate 12 chuan an duty-na tur hmun an pan ve nghal bawk.

Polling Party kal chhuak turte hian Government Lawngtlai College-a Dispatch & Receiving Counter aṭangin inthlan buatsaihna tur hmanrua leh bungruate lam khawmin, strong room aṭangin EVM leh VVPAT an la chhuak a. An bungruate an endik fel vek hnuah an duty-na tur hmun panin an chhuak a ni.

Vawiin hian 37-Lawngtlai West biala polling station 69 awm zinga polling station 37-a polling party-te leh 38-Lawngtlai East biala polling station 42 awm zinga polling station 28-a polling party-te chuan an duty-na tur hmun an pan a. Lawngtlai West bial chhunga sector magistrate 8 leh Lawngtlai East biala sector magistrate 4 chuan an bial (sector) an pan ve nghal bawk.

P-1 polling party vawiina an duty-na tur hmun pan zingah hian 37/1-Chawngte 'P' Polling Party-te chu chhuak hmasa berin, zing dar 7:20-ah an duty-na tur hmun panin an chhuak a. Vawiina chhuak zinga chhuak tlai ber 38/15-Chandmary South-I Polling Party te chu chawhnu dar 12:30 khan an duty-na tur hmun panin an chhuak ve thung a ni.

Nimin khan polling station hla zual 116 (Tuichawng biala PS awm zawng zawng - 70; Lawngtlai West biala PS 32 & Lawngtlai East biala PS 14)-a inthlan buaipui tur polling party-te leh sector 15-a sector magistrate-te chuan an duty-na tur hmun an thleng fel tawh a. Heti hian Lok Sabha Inthlanpui, 2024-a Lawngtlai District chhunga polling station 181-a inthlan buaipui tur polling party-te leh sector 27 viltu tur sector magistrate-te chu an duty-na tur hmun panin an chhuak kim ta a ni.