DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/lawngtlai-district-ah-2009-2010-chhungin-ni-100-inhlawhna-thawh-zawh-a-ni-ta-p

LAWNGTLAI DISTRICT AH 2009 - 2010 CHHUNGIN NI 100 INHLAWHNA THAWH ZAWH A NI TA.

Mahatma Gandhi NREGA hnuaia kum tin ni 100 inhlawhna chu Lawngtlai District ah kum 2006 - 2007 atanga kalpui tanin kumin 2009 - 2010 hi a kum 4-na a ni ta a. District Programme Co - ordinator MGNREGA, Lawngtlai District chuan mipui te tan he ni 100 inhlawhna hi tangkai taka hman a ni chho zel hi lawmawm a tih thu a sawi. Nikum 2008 - 2009 ah khan ni 100 inhlawhna siam a lo ni tawh a, kumin 2009 - 2010 ah pawh hian ni 100 inhlawhna tur pek chhuah a ni leh ta bawk.

2009 - 2010 chhunga a hnuhnung ber atan ni 15 inhlawhna, March 2010 atan pek chhuah a ni ta a. Hemi bakah hian khawtin tan hmanraw ngai chi (Material Component) atan pawisa pek chhuah a ni bawk a. DPC, MGNREGA, Lawngtlai District chuan heng pawisa pek chhuah te hi khawtin VC ten an bialtu PO/BDO hnenah March 2010 chhunga ngaihven theuh turin a chah bawk a ni.