Pu Zodintluanga, Sports & Youth Services Minister chuan vawiin khan sawrkar policy pakhat ‘Catch them Young’ a hmalakna hrang hrang a tlawh.
Minister hian Ramhlun Sports Complex a Mizoram Athletic Association in naupang 30, kum 12-15 inkar ten athletic lamah training an neih tur bultanna leh hawnna inkhawm a hmanpui a. Heng naupang te hi Aizawl veng hrang hrang 21 atanga thlanchhuah an ni a, Inrinni tin helai hmun ah training pek an ni thin ang. Hemi zawh hian Minister hian Millenium Centre a Joshua L Zama 9-Ball Pool Masters 2010 kharna inkhawm a hmanpui a, Tuikhuahtlang Table Tennis Club a Mizoram Table Tennis Association ten naupang kum 8-16 inkar tan training an buatsaih chu a tlawh bawk. MTTA hian Aizawla hmun 4 Armed Veng, Tuikhuahtlang, Mission Veng leh Model Veng ah naupang 100 chuang hnenah training hi an pe thin a ni.
Minister chuan Association hrang hrang ten sawrkar hmalakna an tawiawm that avangin lawmthu a sawi a, sports lama hmasawnna tura Sawrkar hmalakna hrang hrangte sawilangin Rajiv Gandhi Sports Stadium, Mualpui bakah Serchhip leh Zobawk ah te sports complex ruahman a nih thute a sawi a. Naupang zirlai te chu sports hi infiamna mai mai ah ngai lovin eizawnna tling anih thu te leh Mizo hming titha tu an ni thei a ni Minister chuan a ti .
Minister chuan Association hrang hrang ten sawrkar hmalakna an tawiawm that avangin lawmthu a sawi a, sports lama hmasawnna tura Sawrkar hmalakna hrang hrangte sawilangin Rajiv Gandhi Sports Stadium, Mualpui bakah Serchhip leh Zobawk ah te sports complex ruahman a nih thute a sawi a. Naupang zirlai te chu sports hi infiamna mai mai ah ngai lovin eizawnna tling anih thu te leh Mizo hming titha tu an ni thei a ni Minister chuan a ti .
