Vawiin hian Lawngtlai District DC conference hall ah Lawngtlai Khawpui chhunga Census Enumerator, Supervisor leh Local Registre te chuan Lawngtlai District chhunga National Population Register kalpui dan tur training an nei a, chawhnu lamah enrollment bul tanna neih nghal a ni.

Vawiin a National Population Register Training hi Addl. DC Pu. R. Lalsangluaia’n a kaihruaia Census Office atanga lo kal Pu Lalhmingthanga, Deputy Director, Controlling Officer of National Population Register ni bawk chuan kalkhawm te hi enrollment tih dan a zirtir a, Census vendor Mizoram chim lam bialtu ISS mithiam te pawhin thu an sawi bawk.

National Population Register, Biometric Enrollment ti a sawi leh Adhaar ti a hriat lar ni bawk hi, Mizoram District dang heng Aizawl, Serchhip, Lunglei, Kolasib District ah te Phase 1 theuh neih tan a ni tawh a. Phase 1 hi 2010 Census Data behchhana siam phawt niin khua leh tui kum nga chin chunglam zawng zawng te ziahluh tur an ni. Phase 2 ah Phase 1 a tello zawng lak leh tur an ni.

Vawiin chawhnu dar 2:00 PM hian Biometric Enrollment hi Pu V. Zirsanga CEM, LADC hming ziakluta bul tan nghal a ni.