Nimin (11.6.14) khan LAD Minister Pu PC Lalthanliana chuan Zote ‘S’ khua a cheng nuai sawm (10) seng a YMA Run sak chu a hawng.

Chief Guest leh bialtu MLA ni bawk Pu P.C. Lalthanliana chuan sorkarin khawtlang tana ro tling leh YMA tana tangkai tur Building a sak chu khawtlang mipui leh mitin te tana malsawmna Run a nih ngei a beisei thu a sawi a. YMA member-te chu khawtlang ti zahawmtu leh inrelbawlna thleng a pawimawh tak an nih in hre reng tur leh an pawl thil tum (motto) te ngai pawimawh fo turin a chah a. Sorkar chu mipui ta anih angin, ring ringawt lova mipui ten an theih chinah chuan sorkar pui zawng an hma la turin a chah bawk.

Nimina YMA Run hawng hi Zote ‘S’ YMA ten kum 2011-a State Planning Board sum pek atanga an sak a ni a. He YMA Run hi a dung feet- 30 a vang feet -14 a zau, chhawng hnih a sak niin a chhawng chungah Conference Hall a awm a, a hnuai ah Library leh YMA store room a awm a ni.

A hawnna inkhawmah hian NGO hrang hrang aiawh te an kimin YMA run sak thar chu an khawtlang tana ro tha tak leh tangkai tak tura an ngaih thu leh Sorkarin YMA kaltlang a khawtlang Ro tling an pe chu lawmawm an tih thu an sawi a ni.