Vawiin chawhma dar 10:00 atang khan I&PR Auditorium-ah, CBR Project MZU, Tlangnuam Block leh NIOH (National Institute for the Orthopedically Handicapped), Department of Disability Affairs, Ministry of Social Justice & Empowerment, Kolkata te tangkawp chua “Sensitization Programme On Disability Among Church Leaders” Rualban lohna chungchanga Kohhran hrang hrang hruaitute zirtirna seminar a buatsaih a. Hetah hian Kohhran hrang hrang hruaitute leh thalai hruaitute chu sawm an nih angin an tel a ni.

Chairman Dr. Henry Z. Pachuau, Assistant Professor, Department of Social Work, MZU leh Project Director in bawk chuan he seminar hi kaihruaiin Pi Sangzuali Vanchhawng, Special Education Officer, SCERT in PWD (Persons with Disability) Act, 1995 chungchang inzirtirna leh hmalak dan tur a tarlang a. Hemi bakah hian Pi Vanramchhuangi, Human Right Activist chuan ‘Rualbanlo te tana Kohhran mawhphurhna leh hmalak dan tur’ tih thupui hmangin kalkhawmte hnenah zirtirna a pe bawk. Rualbanlote hian Kohhran ah tel ve an chakin, an tel ve theihna tur kawng hi Kohhran hruaitute hian kan ngaihtuah a tulzia a tarlang bawk a ni.

Chawhnu ah Lalhruaitluanga, Ph.D., Research Scholar, Department of Social Work, Mizoram University paper buatsaih, “Creating a Barrier Free Environment in Mizoram’ tih thupui zirhona nei leh in, hetah hian PWD (Persons with Disability) Act in a rualbanlo chi hrang hrang pasarih (7) a tarlan te zingah, Mental illness (Rilru lama rualban lohna) nei te hi Mizote zingah hian ngaihthah an la nih zia leh anmahni enkawlna kan neih chhun te pawh a la changtlung tawk lo hle tih a tarlang a. Tun dinhmun ah chuan anmahni enkawlna kawngah hma kan sawn zel theih nan Kohhran leh Khawtlang hruaitute hian mawhphurhna sang tak an nei tih a sawi.

Ramp (wheel chair hman ngai ho nawr kaina tur) siam te, lift siam mai piah lamah, Barrier free environment in a tum pawimawh tak pakhat chu “Inthliarhranna thiah” hi a ni.