Nimin tlai khan Sairang Dinthar Veng a Gas Bottling Plant dahna atana Food Civil Supplies & Consumer Affairs Department-in an ram an hawhtir phal chu FCS & CA Minister Pu John Rotluangliana leh Parliamentary Secretary Pu T.T. Zothansanga te hovin IOC aiawh leh Supply Department hotulu ten an en. Minister leh Parliamentary Secretary hi FCS & CA Department Secretary Pu R. Lalvena, Director Pu H.L. Rochungnunga leh an thawhpuite leh Pu Lalngaisang Khozol, Plant Manager, Mualkhang Bottling Plant te an tawiawm a ni.

IOC Mualkhang Gas Bottling Plant hi a ram a zim avangin duh ang thalin eirawnbawlna gas an stock thei lova. Chuvangin ram zau tha an duh thu Sawrkar ah an thlen a, Supply Department chuan helai ram an pek theih thu an hrilh vangin Minister hova he ram hi a hmun ah ngei enfiah a ni. Pu John Rotluangliana chuan he ram hi IOC mamawh phuhru thei ang ngei anih thu sawiin helai hmuna Gas Bottling Plant dah anih theih nan a tul ang a chak tak bawhzui a hma lak anih tur thu a sawi bawk.

IOC Mualkhang Gas Bottling Plant-ah hian ni hnih tla eirawngbawlna gas an stock thei a, Sairang hmuna Gas Bottling Plant sawn theih anih chuan kar khat tal tla eirawngbawlna gas stock theih rin a ni.