No.6059/2020-2021

Lawngtlai, Khuangchawi thla ni 13, 2020: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek zat chu vawiin tlai dar 5:00 thleng khan mi 88 a ni a. An zinga mi 69 chu facility quarantine niin, mi 19 chu home quarantine an ni.

State pawn atanga lo thlen belh mi 11 te chu Medical Quarters-ah 6, Tourist Lodge-ah 3 leh home quarantine-in BRO camp-ah 2 dah an ni a. COVID-19 positive enkawl dam, Lawngtlai Covid Care Centre (CCC) atanga vawiina chhuahtir mi 37 (M-36; F-1) bakah, khung hran hun bi hmang zo, Medical Quarters atangin mi 13 leh 71 RCC Camp-a home quarantine lai mi 22 chhuahtir an ni bawk.

Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng chu 1335 niin, Lawngtlaiah TrueNAT hmangin sample 344 leh Rapid Antigen Test hmangin sample 167 endik a ni ve tawh bawk a. Tun dinhmunah positive case 81 hmuh chhuah tawh niin, dama chhuak 78 an awm tawh a. Enkawl lai mipa 3 chu Lawngtlai Covid Care Centre (CCC)-ah dah niin, ngaihtuahawm an awm lo.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 14
2. PWD Inspection Bungalow - 7
3. Medical Quarters - 45
4. Covid Care Centre - 3 (Positive case vek)
Total - 69

B. Home Quarantine - 19

Grand Total (A+B) - 88