No.5570/2020-2021

Lawngtlai, Mimkut thla ni 29, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 166 a ni a. An zinga mi 57 chu facility quarantine niin, mi 109 chu home quarantine an ni.

Vawiin khan state pawn atanga lo lut mi 2 lo thlen belhin, Tourist Lodge-ah dah an ni a. COVID-19 positive enkawl dam, Lawngtlai Covid Care Centre (CCC) atanga chhuahtir hmeichhe 1 bakah, khung hran hun bi hmang zo mi 10 (Medical Quarters atangin 9 leh Tourist Lodge atangin 1) chhuahtir an ni thung.

Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1335 chu a result hriat kim tawh a ni a, Lawngtlaiah TrueNAT hmangin sample 164 leh Rapid Antigen Test hmangin sample 98 endik a ni ve tawh bawk a. Tun dinhmunah positive case 42 hmuh chhuah tawh niin, dama chhuak 34 an awm tawh a. Enkawl lai mi 8 chu Lawngtlai CCC-ah dah niin, ngaihtuahawm an awm lo.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 12
2. PWD Inspection Bungalow - 8
3. Medical Quarters - 29
4. Covid Care Centre - 8 (Positive case vek)
Total - 57

B. Home Quarantine - 109

Grand Total (A+B) - 166