120/2024-2025 

2024 Ṭau thla ni 9: Vawiin khan Lawngtlai District hmun hrang hrangah Lok Sabha Inthlanpui, 2024 lo awm tura a thawh khatnaa 1-Mizoram Parliamentary Constituency-a April ni 19, 2024-a vote thlak turah vote thlak ngei tura a huhova intiamna, mass pledge taking buatsaih a ni.

Lawngtlai District Election Officer Pu Cheemala Siva Gopal Reddy ruahmannain Lawngtlai District-a sawrkar office hrang hrang leh khaw hrang hrangah MP Inthlanpui vote thlak tura intiamna hi kalpui a ni a. Lawngtlai DC office-a thawkte chuan DC office tualah Additional DC Pi B. Malsawmtluangi hovin thutiamna hun hi an hmang a. LADC leh CADC office pui bakah, Lawngtlai District chhunga sawrkar office, sikul leh bank hrang hrangah te thutiamna hun hi hman ni bawkin, Lawngtlai DRDO office bul tumin District chhung khaw hrang hrangah khaw mipuite'n vote thlak tura thutiamna hun an hmang bawk.

He thutiamna hun hi MP Inthlanpui, 2024 lo awm tura Lawngtlai District-a vote tla a ṭhat lehzual theih nana ruahman a ni a. Vote tla a ṭhat theih nan hian District Election Office chuan kanwg hrang hrangin hma a la chho mek a ni.

Attachment

  • Loading attachment...